mi lon poka jan ala lon tomo mi
jan poka ale li lon ma weka
toki monsuta li kama lon lawa mi:
sina kama lon ma [e:pan:jan.]
sina weka tan jan poka sina
mi ken ala poka e jan lon tomo mi
sina pilin ike tan weka jan poka
mi alasa e jan toki
jan mute ni li lon poka mi lon tenpo pini
jan ante li sin tawa mi kin
alasa ni li pona wawa:
jan sin mute li wile toki tawa sina
alasa ni li ike lawa:
jan poka mi li awen ala lon poka mi
mi toki e ni:
sina o kama lon ma [mama.soko.toki.n:]
la jan pi wile toki li ken lukin e sina
la sina ken wawa e toki [e:pan:jo:] sina
mi wile toki e ni:
sina kama lon ma [e:pan:jan.] lon tenpo lili
taso tenpo ni li pilin suli tawa mi
sina ken pona e ike mi kepeken nasin ni
taso wile mi li ike suli
sina toki e ni:
mi wile ala toki lon ma [mama.soko.toki.n:]
ni li wile e wawa suli
mi jo ala e ona
mi sona e kon toki sina:
tenpo pali li wile e wawa suli tan sina
mi kute e toki len:
sina wile awen lon jan poka sina lon ma [jan utala walo e sin e]
sina wile e ni tan seme?
ken la sina sona e lili tenpo
ken la sina wile ala kama lon ma [e:pan:jan.]
ken la sina sona e ni
ken la sina wile ala toki [e:pan:jo:] tan ni
mi weka e jan poka mi lon tenpo pini
mi wile ala weka e jan poka sina lon tenpo ni
wile mi li ni
wile sina li ken ante
wile sina li ante la o toki